Solo牌 2013年坐枱月曆

終於拎咗貨，一個月冇覺好訓嘅心血印好 ---- 2013年坐枱月曆。

今次憑藉月曆「把愛拉闊」（Terry改嘅），向先父致敬同致謝（多謝老豆你出錢！）。另外多謝幫忙印刷嘅Arion。有出月曆嘅念頭，最大原因一來想藉佢紀念先父，其次二來想將愛拉闊，三來剩餘嘅少量數目希望需要插畫師幫手嘅各單位唔好客氣拎返個黎參考下。

先父遺下嘅零用錢，其中一部份我覺得咁用，好有意義，比我全數儲起佢投資更有意義。

入面12個月既作品，有手彩繪本亦有電腦繪圖，其中一個月亦有小妹得獎嘅插畫作品，有3-4個月係以前畫開嘅，另外月份就係今次為籌備月曆先著手畫。今年總算對得住自己，可以出到一本所謂精選作品集 (2014年再出嘅話就冇貨要由頭畫過喇!)